ഓര്‍മ്മതന്‍ നൊമ്പരചെപ്പ്
ഞാന്‍ തുറന്നാല്‍
എനിക്ക് കൂട്ടായി മഴയെത്തും
മഴയുടെ ഓരോ ചിരികളും എന്നില്‍
ഓര്‍മ്മകളുടെ പൂക്കാലം ഉണര്‍ത്തും
ബാല്യത്തിന്‍റെ കുസൃതികളും
കൌമാരത്തിന്‍ സ്വപ്നങ്ങളും
മഴയുടെ കൈയ്കളിലൂടെ
എന്‍ മനസ്സിലോടിയെത്തും........
ഈ മഴയെ നെഞ്ജോടു ചേര്‍ത്ത്
ഈ തണുത്ത വഴികളിലൂടെ എനിക്ക് നടക്കണം
ഈ രാത്രിമഴ ഒരു താരാട്ടാണ്
ഏകാന്തമാമെന്‍ രാത്രികളില്‍
എന്നമ്മയെപ്പോലെ
ആ താരാട്ടുപാടി ഉറക്കുമീ മഴ
ഈ മഴയെ തൊട്ടു തൊട്ടിരിക്കാന്‍
കൊതിക്കുന്നു എന്‍ മനം
ഈ മഴയുടെ മൗനം എന്‍
ആത്മാവിന്‍ താളമാണ്
എന്‍ കണ്ണില്‍ നീര്‍ നിറഞ്ഞാല്‍
ഒരായിരം കൈകളായി
മഴ ഓടിയെത്തും
ആ കണ്ണീര്‍ തുടച്ച്
സ്നേഹത്തിന്‍ തലോടലായി
മഴ എന്നില്‍ നിറയും...
ഈ മഴയുടെ കൈ പിടിച്ചു
ഞാന്‍ എന്‍റെ ഏകാന്ത വീഥിയിലൂടെ
യാത്രയാകുന്നു.....
ഈ രാത്രിമഴക്കൊപ്പം ............
No comments:
Post a Comment